अशोक राईले पाएनन् जसपाको संसदीय दलको नेता

काठमाडौँ । धेरैले जनता समाजवादी पार्टी (जसपा) नेपालको संसदीय दलको नेतामा स‌ंघीय परिषद अध्यक्ष अशोक राई हुने अनुमान गरेका थिए तर त्यसविपरीत वुधबार रामसहायप्रसाद यादव दलको नेतामा निर्विरोध निर्वाचित भएका छन् ।
संसदीय दलको नेता चयनका लागि भएको मनोनयनमा यादवको मात्र मनोनयन दर्ता भएकाले निर्वाचन समितिले यादवलाई नै दलको नेतामा निर्विरोध निर्वाचित घोषणा गरेको हो ।
बारा निर्वाचन क्षेत्र नं २ बाट निर्वाचित यादव सादा जीवन जिउने नेताका रूपमा परिचित छन् ।
प्रतिनिधिसभामा जसपाका १२ जना सांसद छन् ।