बेलायती महारानीको राज्यारोहणको सात दशक मनाइँदै

लण्डन । बेलायती महारानी एलिजावेथ द्वितीयाले मुलुकको सिंहासन सम्हालेको ७० वर्षको उपलक्ष्यमा चार दिनसम्म विविध कार्यक्रम आयोजना गरिने भएको छ ।
महारानीको सात दशक लामो शासनकाल भव्यरुपमा मनाउन सैनिक परेड, प्रार्थना, विविध साङ्गीतिक कार्यक्रमलगायत समारोह हुनेछन् ।
यसैसाता वकिङ्घम राजाप्रासदको बार्दलीमा आएर महारानी एलिजावेथले देशवासीलाई अभिवादन गर्नुहुनेछ । वयोवृद्ध महारानीको बार्दलीमा हुने उपस्थितिले सात दशकको परिवर्तनपछि पनि राजपरिवार बेलायतमा अझै लोकप्रिय र सान्दर्भिक रहेको पुष्टि गर्नेछ । महारानीलाई हेर्न लण्डनको केन्द्रीय भागमा धेरैभन्दा धेरै नागरिक उपस्थित हुने अपेक्षा गरिएको छ ।
सडकमा निस्किएका बेलायती नागरिकको उपस्थितिले राजतन्त्रप्रतिको अटुट आस्था प्रतिविम्बित गर्नेछ ।