एनआरएनए युकेले मन्त्रीहरुसित अन्तर्क्रिया गर्ने

लण्डन । गैर-आवासीय नेपाली संघ (एनआरएनए) यूकेले हाल बेलायत भ्रमणमा रहेका नेपालका मन्त्रीहरुसंग एक अन्तरकृया गर्ने भएको छ ।

संघीय शिक्षा मन्त्री देवेन्द्र पौडेल र प्रदेश १ का आन्तरिक मामिला तथा कानून मन्त्री केदार कार्कीसंग संयुक्त रुपमा अन्तरकृया गरिने एनआरएनए यूकेका प्रवक्ता भरतमणी चोङबाङले बताए ।

मे २५ बुधबारका दिन साँझ ५ः३० बजे अल्डर्शटस्थित संघको कार्यालयमा सो अन्तरकृया कार्यक्रम आयोजना गरिएको छ । कार्यक्रमको संयोजनको जिम्मा उपाध्यक्ष नारायण कँडेललाई दिइएको छ ।

संघीय शिक्षा मन्त्री देवेन्द्र पौडेल बेलायतमा भइरहेको शैक्षिक विश्व मञ्चमा सहभागी हुन गत मे २१ मा लन्डन आइपुगेका हुन् भने प्रदेश १ का आन्तरिक मामिला तथा कानून मन्त्री केदार कार्की १९ तारिख नै हिथ्रो उत्रिएका थिए।