जिम्मेवारी सम्हाल्न बेलायत आइपुगे राजदुत रेग्मी

लण्डन । संयुक्त अधिराज्य बेलायतका लागि नेपालको नयाँ राजदुतका चार वर्षे कार्यकाल सम्हाल्न लोकदर्शन रेग्मी बेलायत उत्रिएका छन् ।

बेलायतका लागि २१ औं नेपाली राजदुतको जिम्मेवारी पाएका रेग्मी सोमबार बिहान हिथ्रो अन्तर्राष्ट्रिय विमानस्थलमा उत्रिएका हुन् । सपरिवार बेलायत आइपुगेका उनलाई स्वागत गर्न दुतावासका उपयोग प्रमुखसहितका कर्मचारी हिथ्रो विमानस्थल पुगेका थिए ।

आफ्नो ४ वर्षे कार्यकाल सकेर राजदुत डा. दुर्गावहादुर सुवेदी गत महिना नेपाल फर्किएका थिए । कोरोना संक्रमण र लकडाउनका कारण राजदुत सुवेदीको बेलायत बसाइ करिब चार महिना लम्बिएको थियो । उनले विज्ञप्ति र सामाजिक संजालमार्फत आफू स्वदेश फर्किएको जानकारी बेलायतस्थित नेपाली समुदायलाई दिएका थिए ।

पूर्व मुख्य सचिव रेग्मीले गत बिहीबार मात्र राष्ट्रपति विद्यादेवी भण्डारीसमक्ष राजदुत पदको सपथ लिएका थिए ।

राजदुत रेग्मीले बेलायत सरकारको नियमअनुसार एकान्तबासपछि मार्च महिनाको दोस्रो सातापछि नियमित कार्य शुरु गर्ने बताइएको छ ।