अमेरिकाको एफडीएद्वारा मोडर्नालाई खोपको अनुमति

एफडीएले आपतकालीन प्रयोगको लागि मोडर्नाको कोभिड -१९ बिरुद्धको खोपलाई अनुमति दिएको छ । अमेरिकी खाद्य र औषधि प्रशासनले संयुक्त राज्य अमेरिकाको लागि अनुमति दिएको हो ।

गत हप्ता मात्र फ़ाइजरद्वारा निर्मित कोरोना बिरुद्धको खोपलाई अनुमति दिएको थियो । एक हप्ता पछि पुनस् अर्को दोश्रो खोप बनाउने प्रतिष्ठानलाई अनुमति दिए संगै खुशी छाएको छ ।

फ़ाइजरको खोप अमेरिकाभरि ५० वटै राज्यहरुमा निरन्तर चरणबद्ध रुपमा निकासी भै रहेको छ । धमाधम सरकारले तोकेको बिशेषगरि अग्रपंक्तिमा काम गर्ने स्वास्थ्यकर्मी ,निजि अस्पताल र वरिष्ठ नागरिकहरुलाई खोप लगाउन सुरु गरि सकेको छ ।

एफडीएले गत बिहीबार यसको खोपहरू र सम्बन्धित जैविक उत्पादन सल्लाहकार समितिको सिफारिस पछि शुक्रबार राति सामाजिक संजाल ट्वीटरमा घोषणा गरेको छ ।

“आपतकालीन प्रयोग गर्नको लागि सयुक्त राज्य अमेरिकाको लागि १८ बर्ष वा माथि उमेरकालाई खोप वितरण गर्न अनुमति दिन्छ,” भन्दै एफडीएले ट्वीट गरेको हो ।

यो खोप प्रतिस्पर्धी फाइजरको जस्तै दुबै सुरक्षित र अत्यधिक प्रभावकारी मानिन्छ। करीव ३० हजार स्वयंसेवकहरूलाई सफलता पूर्वक परीक्षण गरेपछि ९४ प्रतिसत प्रभावकारी भएको मोडर्नाको कोभिड-१९ बिरुद्ध खोपका दुष्प्रभाव ज्वरो र सामान्य असरहरु रहेका छन ।

“कोभिड-१९ को रोकथामका लागि अहिले दुई खोपहरू उपलब्ध भए पछि एफडीएले यो विश्वव्यापी महामारीको बिरूद्ध लडाईमा अर्को महत्त्वपूर्ण कदम चाल्यो जुन संयुक्त राज्य अमेरिकामा हरेक दिन ठूलो संख्यामा अस्पताल भर्ना र मृत्यु हुने गरेको छ,” एफडीए आयुक्तले चिकित्सक स्टेफेन एम हनले भने ।

यो खोपका लागि अल्ट्रा-कोल्ड स्टोरेज ९अत्यधिक शीत भण्डारण०को आवश्यकता पर्दैन । यो अधिक मैत्रीपूर्ण छ भने उपयोगकर्ता अनुकूल छ । विशेष गरी ग्रामीण क्षेत्रहरूमा समेत उपयोगी हुने बताएका छन् ।