जापानको नयाँ प्रधानमन्त्रीमा योशिहिदे सुगा निश्चित

लण्डन । जापानका नयाँ प्रधानमन्त्रीमा योशिहिदे सुगा निश्चित भएका छन् ।

जापानको सत्तारुढ पार्टीभित्र नयाँ नेताका लागि भएको निर्वाचनमा सुगा निर्वाचित भएपछि उनी प्रधानमन्त्री हुने निश्चित भएको हो ।

जापानका वर्तमान प्रधानमन्त्री सिन्जो आवेले गत महिना स्वास्थ्यको कारण देखाउँदै राजिनामा दिएपछि नयाँ प्रधानमन्त्रीको खोजी शुरु भएको थियो ।

७१ वर्षीय सुगा आवेका निकट मानिन्छन् ।

लिवरल डेमोक्र्याटिक पार्टीको नयाँ नेताका लागि भएको मतदानमा सुगाले कुल ५३४ मतमध्ये ३७७ मत पाएका छन् ।

बीबीसीका अनुसार बुधबार जापानी संसद डायटमा हुने निर्वाचनमा उनी प्रधानमन्त्री सहजै चुनिने छन् ।

सुगाले सन् २०२१ को सेप्टेम्बरसम्म प्रधानमन्त्री सम्हाल्ने छन् ।