नेपालको निर्वाचन प्रणालीबारे यूएस नेपाली पोलिसी रिसर्चमा छलफल

अमेरिका ।यूएस नेपाल पोलिसी रिसर्च सेन्टरको ५ औं सम्मेलनमा नेपालको निर्वाचन प्रणाली बारेमा बृहत छलफल हुन लागेको छ । आगामी १२ सेम्टेम्बर २०२० शनिबार हुने छलफल जुम प्रबिधिबाट गर्न लागिएको हो । उक्त छलफललाई बिभिन्न संचार माध्यमका सोसल मिडिया साइटबाट समेत प्रत्यक्ष प्रसारण गरिने छ ।

नेपालको राजनीति, निर्वाचन, संचार लगायतका क्षेत्रमा दक्षता हासिल गरेका व्यक्तिहरुको प्रस्तुति र त्यसलाई कार्यन्वयन गर्ने व्यक्तित्वहरुको सहभागिता रहनेगरी कार्यक्रमको आयोजना गरिएको छ। खासगरी नेपालको संस्थागत संरचनामा छलफल र प्रस्तुति थुप्रै पटक भएता पनि यो पटक भने सिंगो निर्वाचन प्रणालीमा पस्तुति र त्यसबारे टिप्पणी हुनेछ। सेन्टरका अध्यक्ष डा. राजन पन्तले कार्यक्रमबारे जानकारी गराउँदै यसबाट नेपालको नीति निर्माण तहमा ठुलो सघाउ पुग्ने अपेक्षा गरिएको छ । उनले राजनैतिक व्यक्तिहरुका लागि पनि ठूलो योगदान हुने विश्वास गरे ।

कार्यक्रममा अर्थशास्त्री डा. सुरेन्द्र देवकोटा, प्रो. कृष्ण खनाल, त्रिभुवन बिश्वबिधालयका पूर्वभिसी केदार भक्त माथेमा, राष्ट्रिय मानव अधिकार आयोगकी सदस्य म्होना अन्सारी, बरिष्ठ पत्रकार युवराज घिमिरे विशेष प्यानलिष्ट र टिप्पणीकर्ताको रुपमा छन । त्यसैगरी नेपाल, अमेरिका र अन्य क्षेत्रका थुप्रै बिज्ञ, राजनैतिक र प्रशासनिक क्षेत्रका व्यक्तिहरुको समेत उपस्थिति रहने छ।

अध्यक्ष डा. पन्तकाअनुसार यो पटक नीति निर्माणकर्ता र राजनैतिक क्षेत्रका व्यक्तिहरुले सुन्ने, मनन् गर्ने र आफूले कसरी त्यसलाइ कार्यान्वयन गर्न सकिन्छ भनेर आफ्नो कुराहरु पनि राख्नेछन्।