लन्डन । नेपाली क्रिकेट टिमका कप्तान पारस खड्का आज सांझ लन्डन उत्रदैंछन् ।
छोटो भ्रमण भएपनि बेलायत रहंदा युवा क्रिकेटर खड्काले नेपालको क्रिकेट विकासमा बल पुग्ने केही महत्वपूर्ण छलफलमा सहभागी हुने कार्यक्रम छ ।
उनले मार्लेवन क्रिकेट क्लव पदाधिकारीसंग समेत भेट्ने कार्यक्रम रहेको उनी निकट श्रोतले उल्लेख गर्यो ।
साता दिन जति बेलायत रहंदा खड्का नेपाली समुदायका केही कार्यक्रममा समेत सहभागी हुने तय भएको छ । गैर आवासीय नेपाली संघ, बेलायतको युथ कमिटीले आगामी १३ अगष्ट सांझ लन्डनस्थित राइजिङ सन होटल सड्वरी हिलमा डिनर कार्यक्रम राखेको छ । कमिटीले प्लेयर्स एसोसिएसन फण्डको सहयोगार्थ हुने उक्त डिनर कार्यक्रममा सबैलाई सहभागिता जनाइदिन आग्रह समेत गरेको छ । कार्यक्रममा प्रवेश शुल्क बीस पाउण्ड प्रतिव्यक्ति छ ।
