बेलायती सडक, नेपाली नाम

लन्डन । बेलायत नेपाल कुटनीतिक सम्वन्ध र ब्रिटिश आर्मीमा गोर्खा भर्तीले दुई सय वर्ष पार गरिसकेको छ । गोर्खाहरु बेलायतलाई आफ्नो दोश्रो घर ठान्छन् । गैर गोर्खाले पनि बेलायतलाई मिनी नेपाल बनाइसकेका छन् । नेपाली मेला, ओपन कन्सर्ट, गोर्खा कपदेखि दशैं तिहार र अन्य हरेक सांस्कृतिक तथा मौलिक पर्व नियमित मनाउन छाडेका छैनन् नेपालीले । रसमोर क्षेत्र त नेपालीले नै ढाकेका छन् ।

बेलायतमा नेपालीको वास्तविक जनसंख्या यकिन नभएपनि नेपाली करिब दुई लाख पुगेको अनुमान छ । जनसंख्या बढ्दै जांदा बेलायती सडकमा नेपाली नाम देखिन्छ । यसले पनि बेलायत नेपालमय बनिरहे झैं लाग्छ ।

हाम्रा सहकर्मी शंकर श्रेष्ठ (इज्रा श्रेष्ठ) ले आफ्नो क्यामेरामा कैद गरेका तस्विरहरुतिर नजर लगाउने हो कि ?