चाल्टनमा आइतबार लोकदोहोरी धमाका

लन्डन । चाल्टन नेपाली समाज यूकेले मे ६ तारिख आइतबार नयां वर्ष शुभकामना सांझ गर्ने भएको छ ।

चाल्टनस्थित मेरिडियन स्पोर्टस क्लबमा हुने उक्त कार्यक्रममा नेपालका स्थापित लोकदोहोरी गायक गायिका 
विमलराज क्षेत्री, रमेशराज भट्टराई र चन्द्रा कार्की मुख्य आकर्षण रहनेछन् । सांझ ६ देखि राती ११ बजेसम्म सांगीतिक कार्यक्रम हुने र सो को तयारी भइरहेको समाजले जनाएको छ ।

समाजका अध्यक्ष टंक कंडेलले उक्त कार्यक्रममा सहभागी भएर शुभकामना आदानप्रदान गर्न, मनोरन्जन लिन एवं 
कलाकारहरुसंग प्रत्यक्ष साक्षात्कार गर्न सबैमा आव्हान गरेका 
छन् ।

कार्यक्रममा सहभागीबीच राफल ड्र पनि गराइने छ । राफल ड्रको पहिलो पुरस्कार प्लमस्टिडस्थित बर्मा ज्वेलर्स र दोस्रो पुरस्कार पानस रेष्टुरेन्टले प्रायोजन गरेका छन् । टिकट सौजन्य प्रेम गैरेको छ ।

कार्यक्रममा एडल्टका लागि प्रवेश शुल्क १२ पाउण्ड तोकिएको छ भने बालबालिकाका लागि ७ पाउण्ड र ५ वर्ष मुनिकालाई निशुल्क प्रवेश दिइने आयोजकले बताएका छन् ।