क्रेमलिन, मस्को बैठकमा रसियाली राष्टपति भ्लादिमिर पुटिन (दायां) विदेशमन्त्री सर्गे लाभरोभको कुरा सुन्दै । फाइल तस्विर- एपी
मस्को, १ माघ – रुसले संयुक्त राज्य अमेरिका र उत्तर कोरियाबीच वार्ता भएमा त्यसको सहजिकरणका लागि तयार रहेको बताएको छ ।
रुसी विदेशमन्त्री सेर्गेइ लाभरोभले भन्नुभयो– ‘यदि अमेरिका र कोरियाबीच वार्ता हुन्छ भने छ देशको प्रारुपभित्र रहेर सहयोग गर्न हामी तयार छौँ ।’
विदेशमन्त्री लाभरोभले छ वटा आणविक शक्ति राष्ट्रको सदस्यको हैसियतमा रुसले सो प्रस्ताव गरेको जानकारी पनि दिनुभएको समाचारमा जनाइएको छ ।
सोमबार उहाँले सो धारणा राख्नुभएको हो । हालैका दिनहरुमा उत्तर र दक्षिण कोरियाबीचको सम्बन्धमा केही सुधार आएको छ ।
यी दुई देशले गएको जनवरी ९ मा द्विपक्षीय उच्चस्तरीय वार्ता गरेका थिए । त्यसपछि सोमबार पनि यी दुवै देशका अधिकारीहरु द्विपक्षीय वार्तामा बसेका छन् । सम्बन्धमा सुधार आएकोले अमेरिकी राष्ट्रपति डोनाल्ड ट्रम्पले पनि उत्तर कोरियासँग वार्ताका लागि अमेरिका तयार रहेको धारणा हालैमात्र सार्वजनिक गर्नुभएको थियो ।
रुसले उक्त वार्ता भएमा त्यसको सहजिकरणका लागि आफू तयार रहेको धारणा मस्कोको रहेको विदेशमन्त्री लाभरोभले सोमबार सार्वजनिक गर्नुभएको थियो ।
