नेपालमा संक्रमणकाल अन्त्य भएको अन्तर्राष्ट्रिय वौद्धिक समुदायको ठहर

लन्डन । बेलायतको लिड्स विश्वविद्यालयका प्राध्यापक डा सूर्यप्रसाद सुवेदीले नेपालमा हालै सम्पन्न संसदीय निर्वाचन सफल भएकोमा नेपाली जनता, निर्वाचन आयोग, नेपाल सरकार र सबै दलका नेताहरुलाई बधाई दिएका छन् ।

शनिबार एक विज्ञप्ति जारी गर्दै उनले भनेका छन्, ‘यो निर्वाचनपछि मुलुकमा संक्रमणकालको अन्त्य भएको छ र धेरै उतार चढावपछि मुलुकमा लोकतन्त्रको नयां युग सुरु हुन लागेको छ ।’

प्राध्यापक सुवेदीले देशलाई राजनीतिक स्थिरता दिन, आर्थिक समृद्धिमा अगाडि बढाउन, लोकतन्त्र, विधिको शासन र मानवअधिकारलाई संस्थागत र सुदृढीकरण गर्न तथा अन्य चुनौतीहरुलाई सामना गर्न अन्तर्राष्ट्रिय क्षेत्रमा फैलिएको बौद्धिक समुदायलाई परिचालन गर्न आफू व्यक्तिगत र संस्थागत दुवै रुपमा क्रियाशिल हुने पनि बताएका छन् ।

ब्रिटेन नेपाल प्राज्ञिक परिषदका संस्थापक अध्यक्ष, ग्लोबल पोलिसी फोरम फर नेपालका अध्यक्ष तथा प्रतिष्ठित अन्तर्राष्ट्रिय कानुन इन्स्टिच्युटका निर्वाचित सदस्य रहेका प्राध्यापक सुवेदीले नेपाल सरकारलाई नितान्त राष्ट्रियहितको सवालमा गैरदलीय, निष्पक्ष र स्वतन्त्र रुपमा नीति निर्माणमा सहयोग गर्न आफू तत्पर रहेको पनि उल्लेख गरेका छन् ।