प्रा. सुवेदीद्वारा राष्ट्रसंघको उच्चस्तरीय बैठकलाई संबोधन

लन्डन । ब्रिटेनको लिड्स विश्वविद्यालयमा अन्तर्राष्ट्रिय कानुनका प्राध्यापक तथा व्यारिष्टर सूर्य सुवेदीले संयुक्त राष्ट्र संघको एउटा उच्चस्तरीय बैठकलाई संबोधन गर्नुभएको छ ।

गत सेप्टम्बर २२ तारिखका दिन न्यूयोर्कमा आयोजित बैठकमा उहाँले विश्वव्यापी लगानी कानुन तथा नीतिबारे व्याख्यान दिनुभएको हो । विभिन्न मुलुकका मन्त्रीहरु, राजदूतहरु तथा सरकारी प्रतिनिधिहरु सहभागी उच्चस्तरीय बैठकलाई संबोधन गर्दै प्रा. सुवेदीले बदलिंदो विश्वमा वैदेशिक लगानीलाई व्यवस्थित गर्ने नीतिगत विकल्पहरुबारे बोल्नुभएको थियो ।

उहाँले लगानी सुरक्षालाई वातावरणीय तथा मानव अधिकारको सुरक्षासंग जोडनु पर्ने बताउँदै त्यसकालागि विभिन्न सुझावहरु पनि दिनुभयो । उहाँको पुस्तक ‘इन्टरन्याशनल इन्भेस्टमेन्ट ल: रिकन्साइलिङ पलिसि एण्ड प्रिन्सिपल’ को अहिलेसम्म तेश्रो संस्करण प्रकाशित भैसकेको छ ।