बिजन भट्ट युरोप उपसंयोजकका उम्मेदवार

लन्डन । गैर आवासीय नेपाली संघ, अन्तर्राष्ट्रिय समन्वय परिषदको अक्टोबरमा हुने निर्वाचनमा लन्डनस्थित सामाजिक अभियन्ता बिजन भट्टले युरोप उपसंयोजकमा उम्मेदवारी दिने भएका छन् । हाल एनआरएनए यूके सल्लाहकार रहेका भट्टले संघमा स्थापनाकालदेखि नै आफ्नो क्रियाशिलता र अनुभव रहेको उल्लेख गर्दै त्यही अनुभवले युरोप उपसंयोजकमा उम्मेदवारी दिन लागेको जनाए ।

युरोपमा नेपालीका समस्या बढ्दै गएका बेला त्यसलाई सम्वोधन गर्न र युरोपस्थित संघका राष्ट्रिय समितिभित्र समन्वयकारी भूमिका खेल्न आफू सक्रिय रहने प्रतिवद्धता भट्टको छ ।

एनआरएनए आइसीसी सदस्य भएर काम गरिसकेका भट्ट बेलायतको नेपाली समुदायसंग परिचित छन् । उनले एनआरएनए यूके र नेपाल पत्रकार महासंघ यूकेको च्यारिटी कार्यक्रममा संयोजनकारी भूमिका निर्वाह गरेर धेरैको मन जितेका थिए ।

हालै सम्पन्न एनआरएनए यूके निर्वाचनमा उनी निर्वाचन समिति सदस्य थिए ।