बेजिङस्टोक नेपाली समाजले एनअारएन हाउसका लागि च्यारिटी गर्ने

 

लन्डन । बेजिङस्टोक नेपाली समाज यूकेको वार्षिक साधारण सभा ओक्रिज वेस्ट कम्युनिटी हलमा सम्पन्न भएको छ ।
अध्यक्ष तिलबिक्रम साम्बाहाम्फेको अध्यक्षतामा सम्पन्न कार्यक्रममा वरिष्ठ उपाध्यक्ष ओम गुरुङले स्वागत मन्तब्य दिएका थिए । कार्यक्रम सञ्चालन सचिव निशा शर्माले गर्नुका साथै उनले वार्षिक प्रतिवेदन पनि प्रस्तुत गरेकी थिइन् । उनलाई सञ्चालनमा सहसचिव ध्रुव गुरुङको साथ थियो ।

त्यस्तै कोषाध्यक्ष राम राईले वार्षिक आर्थिक विवरण पेस गरे भने सहकोषाध्यक्ष नरप्रसाद साबेहीमबाट आपतकालिन कोषको बारेमा जानकारी गराइएको थियो । त्यस्तै प्रोप्रर्टी म्यानेजर नर गुरुङले समाजमा भएको ​चल सम्पतिको विवरण पेस गरेका थिए ।

सभामा कार्यसमितिका सम्पूर्ण पदाधिकारीलगायत समाजका विशिस्ट व्यक्तित्व, बयोबृद्धहरुको उल्लेखनीय उपस्थिति थियो ।

समाजले यो वर्ष एनआरएनए यूके हाउसका निमित्त आगामी जुलाई १ तारिखका दिन वरिष्ठ उपाध्यक्ष गुरुङको संयोजकत्वमा च्यारिटी नाइट गर्ने भएको छ । त्यस्तै आगामी अप्रिल १५ तारिख शनिबार पपली हलमा समर भेटघाट कार्यक्रम गर्ने पूर्व घोषित योजना अनुसार उपाध्यक्ष योग कुमार फगामीको संयोजकत्वमा कमिटी गठन गरिएको छ । कार्यक्रमबारे फगामीले जानकारी गराएका थिए । समर भेलामा खेलकुद संयोजक लाल चोङ्गबाङ्गबाट फुटबल खेलको पनि आयोजना गर्ने भन्ने जानकारी दिइएको थियो भने सांस्कृतिक संयोजक बिजय लिङथेपले विभिन्न मनोरन्जनात्मक कार्यक्रम गर्ने जानकारी सभालाई गराएका थिए । युवाहरुको प्रतिनिधित्व गर्दै क्रिश श्रेष्ठले आफनो धारणा राखेका थिए ।

जेष्ठ नागरिकहरुको लागि समाजले यूकेका विभिन्न स्थानमा भ्रमण लैजाने कार्यतालिकाको बारेमा कोर्डिनेटर लंका गुरुङ र ओम गुरुङबाट जानकारी गराइएको थियो भने अमृता पालुङ्वा, खुसीमान गुरुङ, मेहेरमान लिम्बु, बल थापा, वसन्त गुरुङ, टेक राई, डिबी गुरुङ र सुधा गुरुङले आ-आफ्नो धारणा राखेका थिए ।