इजरायल र प्यालेष्टिनी शान्तिका लागि पहल

जेरुसलम, २९ पुस । पेरिसमा जम्मा भएका मध्यपूर्वका नेताहरुले इजरायल र प्यालेष्टिनी समूहबीच शान्ति स्थापना गर्न आपसी समाधान नै निर्विकल्प उपाय रहने सन्देश अमेरिकी ट्रम्प प्रशासनलाई दिने अपेक्षा गरिएको छ ।

इजरायल–प्यालेष्टिनी विवाद विषयमा अमेरिकी राष्ट्रपतिमा निर्वाचित डोनाल्ड ट्रम्प र इजरायललाई मध्यपूर्वको सन्देश आपसी समाधान भन्न निचोडका साथ फ्रान्सको आयोजनामा पेरिसमा जम्मा भएका मध्यपूर्व शान्ति सम्मेलनमा करिव ७० देशले सहभागिता जनाउदै जारी छ ।

अमेरिकी समाचार संस्था (एपी) लाई शुक्रबार प्राप्त मस्यौता वक्तव्यमा जनाइए अनुसार सम्मेलनले इजरायल र प्यालेष्टिनी प्रशासनलाई मध्यपूर्व शान्तिका लागि आपसी द्वन्द्वलाई दुई देशीय प्रंयासमा समाधान गर्ने औपचारिक प्रतिवद्धता जनाउन अनुरोध गरिएको छ ।

इजरायलले विवादित वेस्ट बैंक र पूर्वी जेरुसेलममा करिव छ लाख इजरायली नागरिकलाई बसालेको छ जुन भूमि प्यालेष्टिनी प्रशासनले आफ्नो भनी दावीगर्दै आएको छ ।

सम्मेलनमा प्यालेष्टिनी राष्ट्रपति मोहम्मद अव्वास तथा इजरायली प्रधानमन्त्री वेन्जामिन नेतान्याहु दुवै सहभागी हुनुभएको छैन ।