भारतमा नेपाली भाषामा नि:शुल्क एसएमएस समाचार

नयाँ दिल्ली। अल इन्डिया रेडियो (एयर) ले नेपाली भाषासहित पाँच वटा भाषाको निःशुल्क एसएमएस समाचार सेवा शुरु गरेको छ । भारतीय सूचना तथा प्रशारण मन्त्री प्रकाश जाभदेकरले नेपालसहित हिन्दी, मराठी, दोग्री भाषाको नि:शुल्क एसएमएस समाचार सेवाको शुरुवात गरे । भारतमा ४१ लाख नेपाली भाषी रहेको अनुमान छ। भारतको स‌विधानको आठौ अनुसूचीमा नेपाली भाषा क्षेत्रीय भाषाको रुपमा उल्लेख छ ।

रेडियोले यसअघि अंग्रेजी भाषा मात्रै एसएमएम सेवा सञ्चालन गर्दथ्यो । जाभदेकरले आफूले चाहेको जस्तो भाषामा समाचार मोवाइल फोनमा प्राप्त गर्न सफल हुने विश्वास व्यक्त गरे । उनले अन्य क्षेत्रीय भाषामा समेत सेवा थप गर्दै लैजाने बताए । भारतीय सूचना तथा प्रशारण मन्त्रालयले भारतीय प्रधानमन्त्री नरेन्द्र मोदीको ‘डिजिटल इन्डिया’ अवधारणाको चर्चा गर्दै त्यसअन्तर्गत  सञ्चालित ‘कम्युनिकेटिङ इन्डिया’ अभियानको महत्वपूर्ण अंगको रुपमा नि:शुल्क एसएमएस सेवा भएको जनाएको छ ।

एयरले गत वर्ष सेप्टेम्बर नौबाट अंग्रेजी भाषामा समाचारको एमएमएस तीस लाखले उपयोग गर्दै आएका छन् ।