तस्बिरमा हेर्नुहोस्, क्वोंने गुरुङ समाज यूकेका चेलीबेटीको चौथो वार्षिक भाइटिका तथा देउसो-भैलो कार्यक्रम

लन्डन । क्वोंने (घोताने/घोन्डे) गुरुङ (तमु) समाज यूकेका चेलीबेटीहरूको आयोजनामा चौथो वार्षिक भाइटिका तथा देउसो भैलो कार्यक्रम सम्पन्न भएको छ ।

शनिबार १८ अक्टोबरका दिन अल्डरसटस्थित द प्यालेस रेस्टुरेन्टमा भाइटीका तथा देउसी-भैलो कार्यक्रम भव्य रूपमा सम्पन्न हो। कार्यक्रममा दाजुभाइलाई भाइटीका, भाइमसला, टोपीसहितका उपाहार दिदीबहिनीहरुले दिएका थिए । भाउजु, बुहारीहरूलाई माला पछ्यौरी दिइएको थियो ।

दिदीबहिनीहरुलाई दाजुभाइहरुले दक्षिणा दिएका थिए । दिदीबहिनीहरुले सामूहिक देउसी-भैलोसमेत खेलेका थिए ।

कार्यक्रममा यूकेका सफल व्यवसायी तथा धेरै नेपाली दाजुभाइबहिनीहरूलाई रोजगारीका अवसर प्रदान गर्ने क्वोंने (घोताने/घोन्डे) गुरुङ (तमु) समाजका सदस्य योगेन क्षेत्रीलाई सम्मान गरिएको थियो ।

तस्बिरहरु : सन्तोष घोताने गुरुङ