बेलायत भ्रमणपछि कुलमान घिसिङ स्वदेश फिर्ता

लन्डन । बेलायत भ्रमणपछि उज्यालो नेपाल अभियानका अभियन्ता कुलमान घिसिङ स्वदेश फर्कनुभएको छ ।

नेपाल विद्युत् प्राधिकरणका पूर्वकार्यकारी निर्देशकसमेत रहनुभएका घिसिङ शुक्रबार लन्डनस्थित हिथ्रो एयरपोर्टबाट स्वदेश प्रस्थान गर्नुभएको हो । उहाँ गत अगस्ट ११ तारिखमा अमेरिकाबाट लन्डन उत्रनुभएको थियो । उहाँ तमुधिं यूकेको आयोजनामा गत आइतबार लन्डनमा सम्पन्न १६ औं नेपाली मेलामा विशेष अतिथिका रुपमा सहभागी हुनुभयो ।

उहाँको बिदाइका लागि हिथ्रोमा तमुधीं यूकेका अध्यक्ष जुमकाजी गुरुङ, धादिङ नुवाकोट समाज अध्यक्ष धन पाख्रिन तामाङलगायत विमानस्थल पुग्नुभएको थियो ।