पूर्वकुलपति काइँलालाई ५ लाख राशीको ‘पहिचान सम्मान’, ५० हजार राशिको पुरस्कार गीलु रातोसलाई प्रदान

काठमाडौँ । पहिचान पुरस्कार कोषले नेपाल प्रज्ञा प्रतिष्ठानका पूर्वकुलपति वैरागी काइँलालाई ५ लाख राशीको ‘पहिचान सम्मान’ प्रदान गरेको छ ।

शनिबार काठमाडौंमा एक समारोहबीच साहित्यकार काइँलालाई उक्त सम्मान प्रदान गरिएको हो ।
यस्तै, ‘पहिचान युवा सम्मान’ भने कवि गणेशकुमार राई (गीलु रातोस) लाई दिइएको छ । काइँला मुन्धुमविद्‍ पनि हुनुहुन्छ भने राई कविता लेखनमा सक्रिय हुनुहुन्छ । काइँलालाई ५ लाख २ हजार २ रुपैयाँ र ताम्रपत्र तथा राईलाई ५० हजार २ सय २ सहित ताम्रपत्र प्रदान गरिएको छ ।

कोषका संस्थापक नरेश काङमाङ राईले सम्मानित काइँला र पुरस्कृत राईलाई बधाई दिँदै कार्यक्रममा उपस्थित सबैलाई धन्यवाद दिनुभएको छ । कोषले हरेक वर्ष पुरस्कार र सम्मान दिँदै आएको छ ।