नेप्लिज ड्राइभिङ्ग इन्स्ट्रक्टर एसोसिएसन यूकेको अध्यक्षमा होमराज विष्ट

लन्डन । नेप्लिज ड्राइभिङ्ग इन्स्ट्रक्टर एसोसिएसन यूकेको अध्यक्षमा होमराज विष्ट चयन हुनुभएको छ । हाइवेकमको डल्फिन आइ रेस्टुरेन्टमा २५ अगस्ट सोमबार आयोजित (एनडीआईए) यूकेको चौथो अधिवेशनले विष्टको अध्यक्षतामा नयाँ कार्यसमिति चयन गरेको हो । नयाँ कार्यसमितिका उपाध्यक्षहरुमा माधव कार्की र निर्मल श्रीस, महासचिव कृष्ण बस्याल, सहसचिव रामचन्द्र गुरुङ, कोषाध्यक्ष पूर्ण श्रीस थापा र सहकोषाध्यक्षमा गोप सिंजाली मगर चयन हुनुभएको छ ।

सदस्यहरुमा रवि अधिकारी, लोक थलङ, राम खान र मिडिया सचिवमा नगेन्द्र नेम्बाङ चुनिनुभएको छ । नवनिर्वाचित कार्यसमितिलाई निर्वाचन मण्डलका सचिव प्रकाश राहुतले शपथग्रहण गराउनुभएको थियो ।

कार्यसमिति चयनका लागि पूर्वअध्यक्ष होम रानाको अध्यक्षता, सचिव एडीएस ड्राइभिङ् संस्थापक अध्यक्ष प्रकाश राहुत र सदस्य राजु श्रेष्ठ रहेको निर्वाचन समिति रहेको थियो । त्यसअघि अधिवेशन प्रमुख अतिथि डिफेन्सिभ ड्राइभिङ् इक्जामिनर बसन्त गुरुङ र अध्यक्ष क्याप्टेन (रिटायर्ड) ताम ढेगाले पानसमा दिप प्रज्वलन गरी अधिवेशन उद्घाटन गर्नुभएको थियो । महासचिव तेज पुनले कार्यकालभरको कार्यप्रतिवेदन र कोषाध्यक्ष निर्मल श्रीसले आर्थिक प्रतिवेदन प्रस्तुत गर्नुभएको थियो । प्रतिवेदनहरु अधिवेशनले सर्वसम्मतिले पारित गर्‍यो । कार्यक्रमको पहिलो चरणमा सचिव तेज पुनले कार्यक्रममा अपनाउनु पर्ने हेल्थ एन्ड सेफ्टीसम्बन्धी जानकारी प्रस्तुत गर्नुभएको थियो।

अध्यक्ष ढेगा, प्रमुख अतिथि गुरुङ र निर्वाचन मण्डल अध्यक्ष रानाले निवर्तमान कार्यसमितिलाई धन्यवाद दिँदै नवनिर्वाचित कार्यसमितिलाई बधाई तथा सफल कार्यकालको शुभकामना व्यक्त गर्नुभयो ।

नवनिर्वाचित अध्यक्ष होमराज विष्टले निर्वाचन मण्डल र निवर्तमान कार्यसमितिलाई सफल अधिवेशन सम्पन्न गराएकोमा धन्यवाद दिँदै संस्थाको भावी योजनाहरु प्रस्तुत गर्नुभयो ।

नेपालबाट आएका कलाकारद्वय डान्सर अस्मिता पुरीले नेपाली तथा हिन्दी गीतहरूमा नृत्य प्रस्तुत गर्नुभएको थियो भने गायिका अनुपा रोकाले लोक तथा दोहोरी गीतहरू गाएर उपस्थित महानुभावहरुलाई भरपूर मनोरञ्जन दिनुभयो ।

क्याप्टेन (रिटायर्ड) ताम ढेगाको अध्यक्षतामा सम्पन्न अधिवेशनमा स्वागत मन्तव्य माधव कार्कीले राखेका थिए भने कार्यक्रमको सञ्चालन सचिव तेज पुनले गर्नुभएको थियो ।

कलाकारद्वयलाई मायाको चिनो स्वरूप प्रशंसापत्रसहित खादा ओढाएर सम्मान गरिएको थियो। कलाकारद्वयलाई मायाको चिनो स्वरुप प्रशङ्सापत्रसहित खादा ओडाइ सम्मान गरिएको थियो ।