बेलायतवासी सञ्चारकर्मी मिलन तमुको नयाँ गीत ‘बिर्सनलाई सकिन नानी’

लन्डन । गोर्खा मिडियाका प्रबन्ध निर्देशक तथा फोटो पत्रकार मिलन तमु र कलाकार आरके गुरुङको प्रस्तुति रहेको गीत ‘बिर्सनलाई सकिन नानी’को म्युजिक भिडियो सार्वजनिक भएको छ ।

आरके युट्युब च्यानलमार्फत शुक्रबार गीतको म्युजिक भिडियो बजारमा आएको हो । गीतमा आरके गुरुङ, शीतल गुरुङ, सरिता सारुमगर र सुनिमा गुरुङले स्वर दिनुभएको छ । लय आरके गुरुङ, शब्द सिताराम परियार र एरेन्ज सुदिप सागरको रहेको छ ।

प्रीज्म डिजिटल स्टुडियोमा कमल सिन्जाली र गोविन्दले रेकर्ड तथा मिक्सिङ श्यामस्वेत रसाइलीले गर्नुभएको हो । सात मुहाने तमु समाजको घर र सिकाली चौरमा गीतको भिडियो छायांकन गरिएको हो ।

दिप गुरुङले निर्देशन गरेको भिडियोमा अञ्जु गुरुङ, जुना गुरुङ, आनन्द गुरुङ र मनोज गुरुङले अभिनय गर्नुभएको छ । छायांकनमा सम्पूर्ण तमु समाज आमा टोलीले पनि सहयोग गर्नुभएको थियो ।