पेरिस ओलम्पिक २०२४ सम्पन्न, बेलायत ७ औं स्थानमा सीमित [हेर्नुहोस् पदक तालिका]

पेरिस । ३३ औँ संस्करण पेरिस ओलम्पिक २०२४ सम्पन्न भएको छ ।

२६ जुलाई मा सिने नदीको किनारमा उद्घाटन समारोहबाट सुरु भएको पेरिस ओलम्पिकमा बेलायत स्थान सातौंमा सीमित रह्यो । बेलायतले १४ स्वर्ण, २२ रजत, २९ कांस्य पदकसहित ६५ पद जोड्न सफल रह्यो ।

अमेरिकाले ४० स्वर्ण, ४४ रजत र ४२ कांस्य पदकसहित कूल १ सय २६ पदक जित्यो र ऊ शीर्ष स्थानमा पुग्न सफल भयो । चीनले पनि समान ४० स्वर्ण पदक जिते पनि उसको कूल पदक ९१ मा सीमित रह्यो । चीनले २७ रजत र २४ कांस्य हात पार्‍यो ।तेस्रो स्थानमा रहेको जापानले कूल ४५ वटा पदक जित्यो । यसमा २० स्वर्ण, १२ रजत र १३ कांस्य पदक समावेश छन् ।

यस्तै, १८ स्वर्ण पदकसहित अस्ट्रेलिया चौथो स्थानमा रह्यो । टोलीले १९ रजत र १६ कांस्य पदकसहित कूल ५३ वटा पदक जित्यो ।आयोजक फ्रान्सले पाँचौँ स्थान कब्जा गर्न सफल भयो ।

फ्रान्सले १६ स्वर्ण, २६ रजत र २२ कांस्यसहित कूल ६४ वटा पदक हात पार्‍यो । अब सन् २०२४ को प्यारालम्पिक फ्रान्सको राजधानीमा २८ अगस्टदेखि ८ सेप्टेम्बरसम्म हुनेछ ।

हेर्नुहोस् पदक तालिका