को हुन् लभ आइल्याण्डकी रुचि गुरुङ ?

लण्डन । बेलायतका युवाहरुमाझ चर्चित टेलिभिजन कार्यक्रम लभ आइल्याण्डमा नेपाली मूलकी युवती रुचि गुरुङले प्रवेश पाएकी छिन् ।
आइटिभीबाट प्रसारण हुने सो कार्यक्रममा किशोर किशोरीले पार्टनर रोज्ने मौका पाउँछन् र अन्तिमसम्म रहनेले विजेताको उपाधि पाउने गर्छन् ।
सो कार्यक्रममा हजारौँ युवा युवतीहरु भाग लिन इच्छा राख्ने गरेका छन् । संयोगले सो भीडमा नेपाली मूलकी रुचि गुरुङले मौका पाएकी छिन् ।
उनी पाइलट पिता र नेल आर्टिष्ट आमाकी छोरी हुन् । नेपालमा जन्मिएकी रुचि बाल्यवस्थामा बेलायत आएकी थिइन् । २४ वर्षीया उनी पनि अहिले व्यूटीसियन पेशामा आवद्ध छिन् ।
बेलायतको सटनमा आमासित उनी बस्दै आएकी छिन् भने उनका पिता नेपालमै पाइलटका रुपमा कार्यरत रहेका छन् । उनी समय समयमा छुट्टी मिलाएर परिवारलाई भेट्न बेलायत आउने गर्छिन् ।
परिवारको एक्ली सन्तान रुचिको युवाहरुबीच लोकप्रिय यस कार्यक्रममा प्रवेशले पक्कै पनि सो कार्यक्रम हेर्ने युवावर्गमा नेपालको बारेमा जानकारी पुग्ने विश्वास गर्न सकिन्छ ।