पन्ध्रौँ प्रयासमा अमेरिकी संसदले पायो सभामुख

वासिङ्टन । लामो प्रयासपछि अमेरिकी प्रतिनिधि सभाले नयाँ सभामुख चयन गर्न सफल भएको छ ।
रिपब्लिकन पार्टीको बहुमत रहेको प्रतिनिधिसभामा चरमपन्थी सदस्यहरुको विरोधका कारण पन्ध्र पटकसम्म चुनाव गर्नु परेको थियो । पन्ध्रौँ पटकको चुनावमा रिपब्लिकन पार्टीका कङ्ग्रेस सदस्य केभिन म्याकार्थीले बहमुत पाई सभामुखमा निर्वाचित भए ।
सभामुखमा चयन हुन म्याकार्थीले चरमपन्थी सांसदहरुलाई विभिन्न आश्वासन दिएका छन् भने पूर्व राष्ट्रपति डोनाल्ड ट्रम्पले समेत हस्तक्षेप गर्नु परेको थियो ।
उता अल्पमतमा रहेका डेमोक्र्याटहरूले भने न्युयोर्कका सांसद हकिम जेफ्रिजलाई मतदान गरेका थिए । उनी कँग्रेसमा पार्टीको नेतृत्व गर्ने पहिलो अश्वेत नेता हुन् ।