महान फुटबल खेलाडी पेलेको निधन

लण्डन । महान फुटबल खेलाडी पेलेको विहीबार निधन भएको छ ।

उनको ८२ वर्षको उमेरमा ब्राजिल साउपाउलोको अल्बर्ट आइन्स्टाइन अस्पतालमा निधन भएको पारिवारिक स्रोत तथा अस्पतालले पुष्टि गरेको छ । उनी मिर्गौला र प्रोटेष्टको समस्यबाट पीडित थिए ।

उनले १ हजार ३६३ खेलमा १ हजार २८१ गोल गरेर विश्व कीर्तिमान राखेका छन् । २१ वर्ष लामो खेलजीवनमा उनले ब्राजिलका लागि ९२ खेलमा ७७ गोल गरेका थिए । पहिलोपटक विश्वकप जित्दा उनी १७ वर्षका थिए ।

उनले ब्राजिलका तर्फबाट तीनवटा विश्वकप खेलेका थिए । जसमा दुई वटा ब्राजिलले जित हासिल गरेको थियो भने एउटामा उनी घाइते भएका थिए ।

पेले फुटबलका पर्याय नै थिए ।