फिवनाको मेरिल्याण्ड शाखा गठन

न्यूयोर्क । नेपाल आदिवासी जनजाति महिला महासंघ अमेरिका (फिवना)को मेरिल्याण्ड शाखा तदर्थ समिति गठन भएको छ ।

कुस्मा सुर्यबंसीको संयोजकत्वमा सात सदस्यीय तदर्थ समिति गठन भएको हो ।

फिवनाले स्थापनाकालदेखि नै अमेरिकाको विभिन्न राज्यमा शाखा गठन गर्ने संकल्प राखेको पनि करिब ११ वर्षपछि पहिलो शाखा गठन भएको हो ।

फिवनाको अध्यक्ष इन्दिरा चोङबाङले विभिन्न कठिनाईका कारण अहिलेसम्म शाखा गठन हुन नसकेको अवस्थामा मेरिल्याण्ड शाखा गठनबाट संस्थाले एउटा फड्को मारेको बताएकी छिन् । उनले शाखा गठनमा उत्साहित सम्पूर्ण बाल्टीमोरबासी दिदीबहिनीहरु, न्यूयोर्क र मेरिल्याण्डबीचमा पुलको काम गर्ने यस सॅस्थाकी सॅस्थापक अध्यक्ष तथा सल्लाहकार संगिनी राना मगर, कमला लिम्बु, देबिका राई, पूर्व सभासद शान्ति जिरेल र पत्रकार मच्छे गुरूङप्रति धन्यबाद ब्यक्त गरेकी छिन् ।