नेपाली राष्ट्रिय क्रिकेट टीमका कप्तान सन्दिप लामिछानेमाथि जबरजस्ती करणीको जाहेरी

काठमाडौँ । नेपाली राष्ट्रिय क्रिकेट टोलीका कप्तान सन्दीप लामिछानेमाथि नावालिगमाथि जबरजस्ती करणीको उजुरी परेको छ ।

उनीमाथि काठमाडौँको गौशाला प्रहरीमा एक १७ वर्षीया किशोरीमाथि जबरजस्ती करणीको जाहेरी परेको प्रहरीले जनाएको छ ।

लामिछानेले नावालिगलाई भदौ ५ थते काठमाडौँ र भक्तपुरको विभिन्न स्थानमा लगेको र राति ११: ५५ बजे गौशालास्थित एक होटलको कोठा नम्बर ३०५ मा राखेको र राति १२ बजेर २५ मिनेटपश्चात पटकपटक जबरजस्ती करणी गरेको जाहेरीमा बताइएको छ ।

प्रहरीले जाहेरीकर्ताको स्वास्थ्य जाँच गरिसकेको र सो जाहेरीमाथि सुक्ष्म अनुसन्धान गरिरहेको बताएको छ ।

लामिछाने अहिले खेलका सिलसिलामा देशबाहिर छन् ।