डा. दुर्गाबहादुर सुवेदी जापानका लागि राजदूत नियुक्त

काठमाडौँ । बेलायतका लागि पूर्व नेपाली राजदुत रहिसकेका डा दुर्गाबहादुर सुवेदीलाई जापानका लागि राजदुत नियुक्त गरिएको छ ।
राष्ट्रपति विद्यादेवी भण्डारीले नेपालको संविधानको धारा २८२ को उपधारा (१) बमोजिम नेपाल सरकार, मन्त्रिपरिषद्को सिफारिसमा डा दुर्गाबहादुर सुवेदीलाई आज जापानका लागि नेपालको आवासीय राजदूत पदमा नियुक्त गर्नुभएको हो ।
राष्ट्रपतिको कार्यालयका प्रवक्ता सागर आचार्यले आज एक विज्ञप्ति जारी गरी सो जानकारी दिनुभएको छ ।
राजदुत सुवेदी बेलायतमा चार वर्षे कार्यकाल सम्पन्न गरी करिब डेढवर्ष अघि नेपाल फर्किएका थिए । हाल उनी शिष्टाचार महापालको जिम्मेवारीमा रहेका छन् ।