लण्डन। गोर्खा नेपाली समाज स्विन्डनको आयोजनामा वेलायतका नेपाली भलिवल क्लबहरुका सहभागितामा दोस्रो स्विन्डन खुल्ला पुरूष तथा महिला भलिवल प्रतियोगिता हुने भएको छ।
स्विन्डन स्थित न्यू कलेज ग्राउण्डमा ३० जुलाई २०२२ शनिवारका दिन प्रतियोगिता हुने भएको हो । यूकेका बिभिन्न ठाउँहरुबाट लगभग २० वटा महिला तथा पुरुष भलिवल टिमहरुले प्रतियोगितामा सहभागिता जनाउने कार्यक्रम संयोजक तथा आयोजक समितिका उपाध्यक्ष मनु पाइजाले बताए।
प्रतियोगितामा पुरुष टिमका विजेताले नगद १५०० पाउण्ड र उपविजेताले १००० पाउण्ड सहित मेडल, ट्रफी र प्रमाण पत्र प्राप्त गर्नेछन्। त्यसैगरी महिला टिमका विजेताले ८५० पाउण्ड र उप विजेताले ५५० पाउण्डसहित मेडल, ट्रफी र प्रमाण पत्र प्राप्त गर्नेछन्। प्रतियोगितामा पुरुष टिमका लागी १७०पाउण्ड र महिला टिमका लागी १२० पाउण्ड प्रवेश शुल्क तोकिएको आयोजक समितिका महासचिव लाल लिम्बूले बताए।
