खुल्ला विश्वविद्यालयको उपकुलपतिमा शिलु मानन्धर

काठमाडौं । नेपाल खुल्ला विश्वविद्यालयको उपकुलपतिमा प्रा डा शिलु मानन्धर बज्राचार्य नियुक्त हुनुभएको छ ।

मन्त्रिपरिषद्को आजको बैठकले उहाँलाई नियुक्त गर्ने निर्णय गरेको शिक्षा मन्त्रालयले जनाएको छ ।
लामो समयदेखि सो पद रिक्त रहेको थियो ।

पूर्ववर्ती सरकारले नयाँ उपकुलपति नियुक्तिका लागि प्रा मनप्रसाद वाग्ले, प्रा ईन्द्र कार्की र प्रा मानन्धर बज्राचार्यको नाम सिफारिस गरेको थियो ।

मानन्धरले यसअघि सो विश्वविद्यालयको व्यवस्थापन तथा कानुन संकायको डिनको कार्यभार पूरा गरिसक्नुभएको छ ।