काँग्रेस महिला केन्द्रीय सदस्यमा पनि देउवाको वर्चस्व

काठमाडौं । नेपाली काँग्रेस केन्द्रीय सदस्य खुला महिलातर्फ देउवा पक्षको वर्चस्व देखिएको छ । सोमबार साँझ सकिएको मतगणनामा महिला खुलातर्फ निर्वाचित नौ जना केन्द्रीय सदस्यमध्ये देउवा पक्षबाट आठ जना निर्वाचित भएका छन् । इतर समूहबाट सरिता प्रसाइँ एक जना मात्र निर्वाचित भएका छन् ।
निर्वाचन समितिका सचिव अधिवक्ता केशव रिजालका अनुसार निर्वाचित हुनेमा डा.डिला पन्त संग्रौलाले २८ सय २५, पुष्पा भुसालले २७ सय १८ र डा. आरजु राणा देउवाले २५ सय ३५ मत प्राप्त गर्नुभएको जानकारी दिनुभयो ।
यसैगरी, अम्बिका बस्नेतले २३ सय ३९, ईश्वरी न्यौपानेले २२ सय ५९, सरिता प्रसाईंले दुई हजार ९६, रमा कोइरलाले १८ सय ५८, सुशीला ढकालले १८ सय १४ र रंगमती शाहीले १७ सय ८९ मत प्राप्त गर्नुभएको छ ।