‘मायाको संसार’ लिएर आइन् मनु

संसारलाई जित्ने माया नै ठूलो

माया नै सृष्टिको फूल हो

सबैभन्दा निश्चल र चोखो माया माया हो 

मायालाई बुझौँ मायालाई चिनौँ

जीवनमा वरदानको रुप हो 

यस्तै यस्तै मायाको परिभाषासहित मनु रानाले आफ्नो पहिलो सांगीतिक कोसेली लिएर आएकी छिन् ।

हाल लण्डनमा बसोबासरत मनुले यस गीतमा श्वर मात्र होइन, रचना र कम्पोज पनि उनकै छ । उनलाई म्यूजिक प्रोड्यूसिङमा अल्फ्रेडो रिडले साथ दिएका छन् ।

एप्पल म्यूजिकका साथै  युट्यूवमा राखिएको सो गीतमा रानाको परिवारले नै मोडलिङ गरेका छन् । त्यसो त राना दम्पत्तिको जेठी छोरी टेनिसा पूर्व मिस युके नेपाल पनि हुन् । राना दम्पत्तिका साथै टेनिसाका बहिनी र भाइ पनि भिडियोमा छन् । ‘आफ्नो परिवार नै संसारमा सबैभन्दा प्रिय भएकाले उनीहरुलाई भिडियोमा राखिएको’ मनु बताउँछिन् ।

‘माया मनोरम मात्र नभएर आदर्श’ भएको मनुको बुझाइ छ । उनको बुझाइमा माया अरुको आत्मालाई स्पर्श गर्नु, इमानदारिता, विश्वास, सम्मान र अन्तरहृदयदेखिको सम्बन्ध पनि हो । उनले आफ्नो पहिलो गीत माया गर्नेहरुलाई समर्पण गरेकी छिन् ।