बुधबार, वैशाख १ २०७८ | Wed, April 14, 2021
नेपालको समय: १७:५२ | UK Time: 13:07

भ्रष्टाचारको अभियोगमा फ्रान्सका पूर्व राष्ट्रपतिलाई जेल सजायँ

वीनेपाली
२०७७ फागुन १७ गते १४:०७

लण्डन । फ्रान्सका पूर्व राष्ट्रपति निकोलस सार्कोजीलाई भ्रष्टाचारको अभियोगमा तीन वर्ष जेल सजायँ तोकिएको छ ।

६६ वर्षीय पूर्व राष्ट्रपतिलाई म्याजिष्ट्रेटलाई मोनाकोमा आकर्षक जागिर दिएर सूचना लिन खोजेको अभियोगमा अदालतले सो फैसला सुनाएको हो । उनीसँगै उनका वकिल र म्याजिष्ट्रेटलाई पनि तीन वर्ष जेल सजायँ भएको छ । तर सार्कोजीले जेल सजायँ घरबाटै काटन सक्ने बताइएको छ ।

फैसला सुनाउँदै न्यायाधीशले सार्कोजीले विद्युतीय ट्याग लगाएर घरमै जेल सजायँ बिताउन सक्ने बताएका छन् ।

सार्कोजीले सो फैसलामाथि पुनरावेदन गर्न पाउने छन् ।

फ्रान्समा दोस्रो विश्वयुद्ध यता जेल सजायँ पाउने सार्कोजी दोस्रो राष्ट्रपति हुन् ।

यसअघि फ्रान्सका अर्का पूर्व राष्ट्रपति ज्याक सिराकलाई पनि पेरिसको मेयर हुँदा नक्कली जागिर खाएको अभियोगमा सन् २०११ मा दुई वर्ष जेल सजायँ भएको थियो ।

सार्कोजीविरुद्ध अदालतमा अर्को मुद्दा पनि विचाराधीन छ ।

प्रतिक्रिया

सम्बन्धित सामाग्री

फेसबुक