कारोना संक्रमणका कारण प्रवासमा मृत्यु भएकाको शव नेपाल लैजाने पाइने

लण्डन । मर्दाको मलामी, बाँच्दाका जन्ति भन्ने नेपाली उक्तिलाई कोरोना संक्रमणले परिवर्तन गर्याे । आफन्त वा परिवारजनकै सदस्यको मृत्यु हुँदा पनि मलामी बिनै अन्तिम संस्कार गर्नुपर्दाको पीडा धेरैले भोग्नु परेको थियो । तर विश्व स्वास्थ्य संगठनले मृत्यु संस्कारलाई केही सहज बनाएको छ । जसका कारण बेलायतमा कोरोना संक्रमणका कारण मृत्यु भएका नेपालीहरुको शवलाई अन्तिम संस्कारका लागि नेपाल नै लैजाने अनुमति मिलेको छ ।

विश्व स्वास्थ्य संगठनको मार्गनिर्देशनमा बसी नेपाल सरकार स्वास्थ्य मन्त्रालयले यससम्बन्धी निर्देशिका जारी गरेको छ ।

उक्त निर्देशिकाअनुसार बेलायत वा प्रवासमा मृत्यु भएका नेपालीहरुको लास नेपाल लान पाइने भएको हो । तर त्यसका लागि बेलायतको हकमा संयुक्त अधिराज्य बेलायतस्थित नेपाली दुतावास र अन्य देशको हकमा सम्बन्धित मुलुकमा रहेको नेपाली दुताबासबाट ‘नो अब्जेक्सन लेटर’ भने लिनु पर्नेछ ।

‘कोरोना संक्रमणको कारण मृत्यु भएका व्यक्तिहरुले बेलायतस्थित नेशनल हेल्थ सर्भिस (एनएचएस)को मापदण्ड पूरा गरी ७ दिन पछि शवलाई सफा गरेर गरेर नेपाल लैजान पाइन्छ’ लण्डनस्थित नेपाली दुतावासका कार्यवाहक राजदुत रोशन खनालले भनिन् ।

नेपाल सरकार र कोभिड १९ लाई व्यवस्थfपन गर्न बनाइएको सरकारी समिति सीसीएमसीले पनि विश्व स्वास्थ्य संगठनका मार्गनिर्देशनलाई पालना गर्दै नेपाल आउने हवाई यात्रु तथा मृतकहरुको दाह संस्कारका बारेमा निश्चित प्रावधानसहितको फारम भराइरहेको छ । जसको विस्तृत विवरण सीधै सीसीएमसीको सिस्टममा बस्ने गर्दछ ।

कार्यवाहक राजदुत खनालले हालसम्म बेलायतबाट एकजना नेपालीले कोरोनाका कारण मृत्यु भएका आफ्ना आफन्तको शव नेपाल लैजान ‘नो अब्जेक्सन लेटर’ लिएको बताइन् ।

परराष्ट्र र स्वास्थ्य मन्त्रालयलाई समेत दुतावासले उक्त ‘नो अब्जेक्सन लेटर’को बारेमा जानकारी गराउने गरेको छ ।

प्रतिक्रिया

सम्बन्धित सामाग्री