लण्डन । प्रहरीले नेपालका लागि बेलायतका पूर्व राजदुत रिचर्ड मोरिसको शव फेला पारेको छ ।

उनी मे ६ महिनादेखि हराइरहेका थिए।

उनी दौड्न नियमित जाने एलिस हल्ट ज‌ंगलमा सोमबार उनको शव फेला परेको ह्याम्पसायर प्रहरीले बताएको छ ।

घटनाको अनुसन्धान गरिरहेको ह्याम्पसायर प्रहरीले उनको मृत्यु सन्देहास्पद नभएको बताएको छ । प्रहरीले मोरिसको केसलाई स्थानीय कोरोनरमा पठाउने तयारी गरिरहेको बताएको छ।

ओैपचारिक रुपमा उनको पहिचान नभए पनि उनको परिवारलाई शव भेटिएको जानकारी गराइसकिएको प्रहरीले बताएको छ । मोरिसको परिवारलाई विशेषज्ञ प्रहरीले साथ दिइरहेको छ ।

बेलायतका कुटनीतिज्ञ मोरिस मे ६ तारिखका दिन आफ्नो निवासबाट बिहान दौड्न निस्किएका थिए । उनलाई सबैभन्दा पछिल्लोपटक बिहान १०.५० बजे अल्टोनको इसिङटन रोडमा सर्वसाधारणले देखेका थिए ।

मोरिस सन् २०१५ देखि २०१९ सम्म नेपालका लागि बेलायतका राजदुत थिए ।

उनी फिजीका लागि बेलायती हाइ कमिश्नरका रुपमा जाने क्रममा थिए ।

उनका श्रीमती र तीन बालबच्चा छन् ।