बुधबार, साउन २८ २०७७ | Wed, August 12, 2020
नेपालको समय: ०९:२८ | UK Time: 04:43

मध्यपूर्वी देशहरुमा कोरोना संक्रमणको अवस्था चिन्ताजनक

वीनेपाली
२०७७ साउन ३ गते १३:३९

(200717) — ANKARA, July 17, 2020 (Xinhua) — An employee (R) wearing a face mask helps a customer try on a pair of glasses in an optical store in Ankara, Turkey, on July 17, 2020. Turkish Health Minister Fahrettin Koca on Friday warned of the increasing number of intensive care and intubated COVID-19 patients in the country. Turkey’s daily coronavirus cases increased by 926 on Friday, raising the overall number to 217,799, the minister said. (Photo by Mustafa Kaya/Xinhua)

कायरो ।  (रासस/ सिन्ह्वा) । विश्व स्वास्थ्य संगठनले मध्यपूर्वी देशहरुमा कोरोना भाइरसको संक्रमणको अवस्था अत्यन्तै चिन्ताजनक रुपमा बढ्दै गएको जनाएको छ । विश्व स्वास्थ्य संगठनका निर्देशक अहमद अल मान्धरीले सो कुराको बताउनुभएको हो ।

उहाँले भन्नुभयो– केही मध्यपूर्वका राष्ट्रहरुमा पहिलो हप्ताको तुलनामा यस हप्ता कम्तीमा पनि १० प्रतिशतको दरले केशहरु बढिरहेकोले अबको अवस्था आगामी दिनमा झन् खतरा हुँदै जाने देखिएको छ ।
उहाँका अनुसार साउदी अरेबिया, इरान, इराक, पाकिस्तानमा यस्तो बढ्दो अवस्था देखिएको हो ।

ती देशहरुमा मृत्युको दर पनि बढ्दै गएको देखिएको छ । निर्देशक मान्धारीका अनुसार ती देशहरुमा कोरोनाका संक्रमितमध्येका व्यक्तिहरुको मृत्यु दर पनि पहिलो हप्ताको तुलनामा यस हप्ता १३ प्रतिशतले बृद्धि भएको पाइएको छ ।

त्यस क्षेत्रमा गएका केही हप्ताहरु यता निको हुने दर पनि स्थिर रहेको देखिन्छ । प्राप्त समाचारमा ती क्षेत्रमा करिब १० लाख संक्रमित निको भएर घर फर्किएका पाइएको छ । उहाँले यी देशहरुमा त्यहाँका नागरिकले यस संक्रमणलाई कम आँकलन गरेको पाइएको छ । नागरिकहरुले यसबाट जोगिनुपर्ने स्वास्थ्यका मापदण्ड नअपनाई हेलचक्र्याईँ गरेको पनि पाइएको छ ।

त्यसैगरी यहाँका सरकारहरुले पछिल्ला केही हप्ताहरुमा स्वास्थ्य परीक्षणको दायरा पनि घटाएको पाइएको छ । स्वास्थ्य परीक्षण गर्ने व्यक्तिको संख्या घटाइएको देखिएको छ । त्यस्तै सरकारले यहाँ धेरै जना मानिसलाई जम्मा हुन नदिने तथा अरु सुरक्षाका मापदण्डहरु अपनाउने कुरामा पनि सरकारकाले कडाइ नगरेकोले यस्तो अवस्था आएको विश्व स्वास्थ्य संगठनले यसअघि पनि जनाएको थियो ।

प्रतिक्रिया

सम्बन्धित सामाग्री

फेसबुक