ओमानबाट फर्किने नेपालीहरुको पहिलो फ्लाइट १५ जुनमा

मस्कट । नेपाली राजदूतावास ओमानले कोभिड १९ को संक्रमणका कारण असहज भएका कारण स्वदेश फर्किनु पर्ने नेपालीहरुलाई नाम दर्ताको लागि आग्रह गरेका छ । ९ जुन २०२० मंगलबार नेपाली राजदूतावास ओमानले जारी गरको सूचनाअनुसार स्वदेश फर्कनु पर्ने नेपालीहरुले तोकिएको मापदण्ड अनुरुप प्राथमिकताका आधारमा ७ दिन भित्रको कोरोना टेस्टको रिपोर्ट सहित नाम टिपाउन आग्रह गरेको हो ।

ओमानबाट नेपाल फर्कने नेपालीहरुको पहिलो उडान १५ जुन २०२० मा हुनेछ। स्वदेश फर्कनको लागि भाडा प्रतिव्यक्ति १ सय १५ ओमानी रियल तोकिएको कुरा पनि सूचनामा उल्लेख गरिएको छ । नेपाल फर्किन चाहने नेपालीहरुले कोभिड १९ को पिसिआर टेष्टको रिपोर्टअनुसार फ्लाइट हुने भएकोले सो रिपोर्ट तयार गर्न समेत भनेको छ।

नेगेटिभ रिपोर्ट आउनेहरुले सलाम एयरको कस्टमर सर्भिस सेन्टरको नम्बर २४२७२२२२ मा सम्पर्क गरि जानकारी लिएर टिकेट खरिद गर्नुपर्नेछ। त्यसैगरी थप जानकारी लिनुपरेमा भने ७१५९२४९० या ७१५९२५०६ अथवा ७१५३०८४० मा सम्पर्क गर्नको लागि भनिएको छ।

नेपालीहरुलाई स्वदेश फर्कनको लागि नेपाली महामाहिम राजदुत र दूतावासको ठूलो योगदान रहेको कुरा गैरआवासीय नेपाली संघका प्रवक्ता डिबी क्षेत्रीले जानकारी दिए । प्रवक्ता क्षेत्रीकाअनुसार पहिलो फ्लाइट जुन १५ मा हुनेछ। यो फ्लाइटबाट नेपाल पुगेका र परिक्षण पछि नेगेटिभ रिपोर्ट आएकाहरुले घर जान पाउने छन्। तर उनीहरुले स्वदेश गएर दुई साता सेल्फ आइसोलेशनमा बस्नु पर्नेछ।