दैनिक ३५ सय नेपाली स्वदेश फर्काउन एनआरएनएको सुझाब

काठमाडौं । गैरआवासीय नेपाली संघ (एनआरएनए)ले दैनिक ३ हजारदेखि ३ हजार ५ सय नेपालीहरु स्वदेश फर्काउन सकिने निष्कर्ष निकालेको छ । एनआरएनए कोभिड -१९ रोकथाम तथा नियन्त्रण उच्चस्तरीय समन्वय समितिको शुक्रबारको वैठकले उक्त निष्कर्ष निकालेको हो । संघका अध्यक्ष कुमार पन्तले नेपाल सरकारलाई दैनिक ३ हजार ५ सय नेपाली फर्काउन सुझाब सहितको सिफारिस गरेकाका छन । संघका अध्यक्ष पन्तको अध्यक्षतामा बसेको वैठकले नेपाली फर्काउन सरकारी र नीजि विमान प्रयोग गर्न समेत नेपाल सरकारलाई सुझाव दिएको छ ।

‘नेपाल फर्किने नेपालीहरुले जहाज भाडा भने आफै तिर्नुपर्नेछ, अध्यक्ष पन्तले भने, ‘यसरी स्वदेश फर्किने नेपालीहरुले त्रिभुवन विमानस्थलमा पुगेपछि सिधै होटलमा लगिनेछ । नेपालीहरुले क्षमता अनुसारको होटल छान्न पाउनेछन ।’  होटलहरुमा खानेकुरा र शुल्क नेपाल सरकारले तय गर्ने समेत बताइएको छ ।
परराष्ट्र् मन्त्रालयले तयार परेको सुची अनुसार विदेशबाट नेपालीहरुलाई स्वदेश फर्काउने कार्ययोजना छ । आगामी सातादेखि वैदेशिक रोजगारमा आएका नेपाली नागरिकहरुलाई नेपाल सरकारले क्रमश फर्काउने छ । जसमा महिला, केटाकेटी, वर्कपरमिट सकिएका, अलपत्र परेकाहरु र  वेरोजगार लगायतकालाई पहिलो प्राथमिकतामा राखेर फर्काउने मापदण्ड सरकारले तय गरेको छ ।संघका अध्यक्ष पन्तले विदेशस्थित नेपालीहरुलाई केही दिन धर्य गर्न समेत आग्रह गरेका छन ।