सोमबार, जेठ १९ २०७७ | Mon, June 01, 2020
नेपालको समय: १९:०५ | UK Time: 14:20

मेडिस्टोनमा नेपालीको कारमा आगजनी गर्नेहरु फेला परेनन्

वीनेपाली
२०७७ जेठ ६ गते ९:४१

लण्डन । मेडिस्टोनमा नेपालीहरुको कारमा श्रंखलावद्ध रुपमा गरिएको आगजनीको अनुसन्धान गरिरहेका प्रहरीहरुले सो घटना संलग्नहरुलाई फेला पार्न नसकेको बताएका छन् ।

युके नेपाल मैत्री संघको पत्रको जवाफ लेख्दै स्थानीय केन्ट प्रहरीका जिल्ला प्रमुख रे क्वीलरले घटनामा संलग्नहरुको पहिचान गर्न प्रहरीले नसकेको बताएका हुन् । घटनाको अनुसन्धान अनुभवी जासुस प्रहरी इन्सपेक्टरको सुपरीवेक्षणमा भएको उनले बताएका छन् ।

मेडिस्टोन बोरो काउन्सिलका प्रमुख कार्यकारी अधिकृत अलिसन ब्रुमको समेत हस्ताक्षर रहेको सो पत्रमा दुवै घटनाहरु जातीय घृणाका रुपमा अनुसन्धान गरिएको र पीडितहरुलाई सम्पर्क र सहयोग गरिएको बताइएको छ । “जिल्लाको कमाण्डरका रुपमा घटनाको दैनिक जानकारी जासुस प्रहरीहरुबाट पाउँछु र सबै आवश्यक अनुसन्धानहरु सकिएको छ” पत्रमा भनिएको छ ।

घटनाको अनुसन्धानका क्रममा सो क्षेत्रमा रहेका सिसिटीभीको अवलोकन, घरघरमै गई गरिएको सोधपुछ र समुदायसित मिलेर संदिग्ध व्यक्तिको पहिचान गर्ने कोसिस गरिएको प्रहरीले बताएको छ । “बृहत जाँचपडतालका वावजुद अहिलेसम्म कुनै शंकास्पद व्यक्ति फेला पार्न सकेको छैन” प्रहरीले भनेको छ ।

गत महिना मेडिस्टोनमा बसोबासरत दुई नेपालीको कारमा राति आगजनी गरिएको थियो ।

प्रतिक्रिया

सम्बन्धित सामाग्री

फेसबुक