शनिबार, कार्तिक ८ २०७७ | Sat, October 24, 2020
नेपालको समय: ०५:३७ | UK Time: 00:52

दिवेश अमेरिकन आइडलको उपविजेता भए

वीनेपाली
२०७७ जेठ ५ गते ५:३७

dibesh
अमेरिका । दिवेश पोखरेल (अर्थर गन) अमेरिकी लोकप्रिय रियलिटी शो ‘अमेरिकन आइडल’ को उप-विजेता बनेका छन्। फाईनलमा प्रतियोगी जस्ट सामले पछि पारेपछि उपविजेतामा चित्त बुझाउनु परेको हो ।
गत १६ फेब्रुवरी २०२० बाट शुरु भएको सिजन १८ को सो रियलिटी शो मा दिवेशले उत्कृष्ट प्रस्तुति दिदै आएका थिए। उनलाई सामाजिक संजालमा संसारभरबाट नेपालीले भोटिङ गरी समर्थन गरेका थिए । उनका गीत लोकप्रिय भएकै कारण यहाँ सम्मको यात्रा सहज पार गर्दै आएका थिए ।
दिवेशले आइतबार सम्पन्न उपाधिका लागि फाइनल राउन्डमा ग्याबिन डिग्राको २००३ मा रिलिज भएको पप गीत ‘आई डोन्ट वान्ट टु बी’ र सन १९७० मा लोकप्रिय पेण्डुलम एल्बमको ‘ह्याब यु एभर सीन दि रेन’ भन्ने रक गीत गाएका थिए।

कोभिड–१९ को संक्रमणका कारण अमेरिकन आइडलको फाइनलमा प्रतियोगीहरुले आ(आफ्नो घरबाटै प्रस्तुति दिएका थिए। अमेरिकी आईडलको निर्णायक मण्डलका रुपमा गायिका केटी पेरी, ल्युक ब्रायन,लियोनेल रिची,रायन सिक्रेष्ट र बबी बोन्स रहेका थिए।

प्रतिक्रिया

सम्बन्धित सामाग्री

फेसबुक