भारतमा कोरोना स‌ङ्क्रमण तीव्र बन्दै

नयाँदिल्ली । भारतमा कोरोना संक्रमण तीव्र बन्दै गएको छ । पछिल्लो चार दिनमा मात्र तीन हजारभन्दा बढी नयाँ संक्रमित थपिएका छन् । अहिले भारतमा कुल संक्रमितको संख्या ६२ हजार ९१५ पुगेको छ ।

भारतीय सञ्चारमाध्यमहरुका अनुसार पछिल्लो २४ घण्टामा तीन हजार १७१ जनामा संक्रमणको पुष्टि भएको छ । महाराष्ट्र र गुजरात राज्यमा सबैभन्दा बढी नयाँ संक्रमित थपिएका छन् । महाराष्ट्रमा पछिल्लो २४ घण्टामा मात्रै एक हजार १६५ नयाँ संक्रमित भेटिएका छन् । महाराष्ट्रमा कोभिड–१९ बाट संक्रमित हुने कुल २० हजार २२८ जना छन् ।

भारतमा कोभिड–१९ को संक्रमणबाट दुई हजार जनाले ज्यान गुमाएका छन् । महाराष्ट्रमा मृतकको संख्या ७८० छ । गुजरातमा सात हजार ७९७ जनामा संक्रमणको पुष्टि भएको छ भने ४७२ जना संक्रमितले ज्यान गुमाएका छन् ।

नेपालसँग सीमा जोडिएको भारतको बिहार राज्यमा संक्रमित हुने ५९५ जना छन् ।

प्रतिक्रिया

सम्बन्धित सामाग्री