किरात राई यायोक्खा युकेले यसवर्ष साकेला उभौली नमनाउने

लण्डन । किरात राई यायोक्खा युकेले हरेक वर्ष गर्दै आएको साकेला उभौली यसवर्ष नहुने भएको छ  ।

यही मे ९ तारिखका दिन आयोजना गरिएको सो कार्यक्रम कोरोना भाइरसको महामारीका कारण रद्द गर्नुपरेको यायोक्खा युकेले जनाएको छ ।

यायोक्खाका कार्यबाहक अध्यक्ष चन्द्रबहादुर राई र कार्यक्रम संयोजक मेजर दिलकुमार राईले एक संयुक्त विज्ञप्ति प्रकाशन गर्दै कार्यक्रम रद्द भएको जानकारी दिएका छन् ।

विज्ञप्तिमा कोरोना भाइरसबाट बच्न सरकारले जारी गरेका निर्देशनहरुलाई कडाइका साथ पालना गर्न पनि सदस्यहरुलाई अनुरोध गरिएको छ ।

यायोक्खाले स्थापनाकालदेखि नै उधौली र उभौली मनाउँदै आएको छ । करिब ५ हजार मानिसको उपस्थिति रहने सो कार्यक्रम बेलायतमा नेपाली समुदायबाट आयोजना हुने ठूला कार्यक्रममध्ये एक हो ।