साहित्यकार राईको फोकल्याण्डको कथा ‘गोरखा गन्स’ बजारमा

लण्डन । युद्ध कवि, उपन्यासकार तथा नेपाली युद्ध साहित्यका एक अभियन्ता गणेश राईको फोकल्याण्ड युद्धसम्बन्धि मेमोर ‘गोरखा गन्स’ युकेबाट प्रकाशित भएको छ ।

यस कृति युकेको प्रकाशन गृह द कनराड प्रेसले यहि मार्च १६ बाट अंग्रेजी संस्करणमा प्रकशित गरेको हो ।

युकेको फेमस एक्ट्रेस जोअना लुम्लेले यस बुकको समीक्षामा ‘एउटा युवा गोरखा सैनिकको मस्तिस्कमा फोकल्याण्ड युद्धको समयमा चित्रित अमूल्य झलक’ भनेकी छिन् । उनले कृतिलाई सैनिकहरूको साधारण तर हृदयविदारक कथा भनेकी छिन् ।

यो समीक्षा र फोकल्याण्ड युद्धको एउटा सामुहिक तस्बिर पुस्तकको फ्रन्ट पेजमा राखिएको छ, जसले पाठकहरुको मन सहजै पुस्तकतिर आकर्षण गर्दछ ।

१७६ पृष्टको किताबमा लेखकले फोकल्याण्ड युद्धको यथार्थ चित्रण गर्नु भएको छ र यसले गोर्खालीको त्याग, बलिदान र बहादुरीको सहि र सत्य इतिहासको पुनर्लेखनमा ठूलो मद्दत गर्नेछ । फोकल्याण्ड युद्ध हुँदा गोर्खालीहरु माथि थोपरिएको झुटो आरोप, प्रोपोगान्डाहरुलाई चिर्न यो पुस्तक कोसेढुंगा साबित हुनेछ ।

फोकल्याण्ड युद्धबारे थुप्रै अंग्रेजी लेखकले लेखेका पुस्तकहरु प्रकासित भएका छन् तर फोकल्याण्ड युद्ध र गोर्खालीहरुको योगदानबारे युद्गमा सहभागी गोर्खा सैनिकले लेखेको कृति भने यो पहिलो हो र यस कृतिले फोकल्याण्ड युद्ध र गोर्खालीबारे धेरै कुराहरुको अभिलेखीकरण गरेको छ ।

यो किताब युकेको सम्पूर्ण पुस्तक पसलहरु वाटरस्टोन्स, बुक डिपोजिटरी, अमाजन लगायत अन्य बुक बितरकहरुबाट उपलब्ध छ ।

उक्त बुकको लिंकहरु हेर्नुहोस:
https://www.amazon.co.uk/Gurkha-Guns-Ganesh-Rai/dp/1911546856/ref=sr_1_1?dchild=1&keywords=gurkha+guns&qid=1584804296&sr=8-1
https://www.bookdepository.com/Gurkha-Guns-Ganesh-Rai/9781911546856?ref=grid-view&qid=1584804361415&sr=1-1
https://www.abebooks.co.uk/servlet/BookDetailsPL?bi=30597478061&searchurl=sortby%3D17%26tn%3Dgurkha%2Bguns&cm_sp=snippet-_-srp1-_-title1
https://www.waterstones.com/book/gurkha-guns/ganesh-rai/9781911546856
https://www.foyles.co.uk/witem/biography/gurkha-guns,ganesh-rai-9781911546856

प्रतिक्रिया

सम्बन्धित सामाग्री