लन्डन । ग्राजुएट इन्टरपेनर्स नेप्लीज सोसाईटी (जेन्स) यूके अध्यक्षमा तिलक भट्टराई निर्वाचित भएका छन् ।
कोरोना भाईरस (कोभिड १९) का कारण उत्पन्न परिस्थितिलाई मध्येनजर गर्दै साइवर कन्फरेन्समार्फत भएको साधारण सभाबाट भट्टराई निर्वाचित भएका हुन् ।
जिन्स यूके कार्यसमितिका सल्लाहकार सालिकराम सापकोटा र लेखनाथ गैरको संयोजकत्वमा बनेको निर्वाचन समितिले बरिष्ठ उपाध्यक्ष तिलक भट्टराईको नाम अध्यक्षका लागि प्रस्ताब गरेको थियो । उक्त प्रस्तावमा सहमति जुटेपछि भट्टराई सर्वसम्मत अध्यक्ष निर्वाचित भएका हुन् ।
भट्टराईको अध्यक्षतामा निर्वाचित कार्यसमितिमा उपाध्यक्षत्रय दिपक गैरे, श्याम खत्री र गणेश थापा छन् । महासचिवमा राजेन्द्र भण्डारी, कोषाध्यक्षमा राम थापा र सचिवमा रविन्द्र रानाभाट छन् ।
त्यस्तै, सदस्यहरुमा सूर्यविक्रम केसी, सन्तोष कार्की र राजेन्द्र खस निर्वाचित भएका छन् । कार्यसमिति सल्लाहकारमा शालिकराम सापकोटा, लेखनाथ गैरे, लक्ष्मण पाण्डे, बिष्णु चोङबाङ र मैना शर्मा घिमिरे छन् ।
नवनिर्वाचित अध्यक्ष भट्टराईले जेन्स यूके नेपाली संघसंस्थासँग हातेमालो गरि अघि बढाउने प्रतिवद्धता व्यक्त गरे । उनले हालको परिस्थिति परिवर्तन भएपछि कमर्सियल क्षेत्रमा अझ संसक्त ढंगले अघि बढने जनाए । जेन्स यूकेमा एकसय भन्दा बढी सदस्य छन् भने २० जना आजीवन सदस्य छन् । जेन्स यूके बेलायतमा रहेका नेपाली इन्टरपेनर्सको साझा संस्था हो । बेलायतभर इबजार तथा प्रविधिको क्षेत्रमा संस्थाले काम गरिरहेको छ ।
