सोमबार, चैत १७ २०७६ | Mon, March 30, 2020
नेपालको समय: २१:२८ | UK Time: 16:43

एनआरएनए यूके स्थापना दिवस ‘विवाद’ मा

सिंखडालाई अपारदर्शी गतिविधि छाड्न चेतावनी

विनेपाली
२०७६ फागुन ८ गते ६:०२


लन्डन । गैरआवासीय नेपाली संघ बेलायत (एनआरएनए यूके) का उपाध्यक्ष प्रेम गाहामगरले एनआरएनए आइसीसी सदस्यमा मनोनित रामशरण सिम्खडाले अनावश्यक हस्तक्षेप गरेको आक्षेप लगाएका छन् । आगामी ५ मार्चमा एनआरएनए यूकेको १५ औं स्थापना दिवस मनाउने तयारीमा जुटेका संयोजक सिम्खडामाथि आक्षेप लागेको हो ।

बेलायतस्थित व्यापारीबाट चन्दा संकलन गरि संस्थापकको नाममा आफैले आफ्नो सम्मान गर्न तयारी गरिरहेका सिम्खडालाई एनसीसीमा हस्तक्षेप नगरि पदीय मर्यादा अनुसार काम गर्न गाहामगरले सुझाएका हुन् । उक्त कार्यक्रमका संयोजक सिम्खडा आइसीसी सदस्य सहित आइसीसी अन्तर्गत रहेको पोलिसी तथा प्रोस्यूडर समितिको जिम्मेवारीमा छन् । उनी संस्थापक मध्येका एक हुन् । तर पनि एनसीसीमा उनको कुनै जिम्मेवारी छैन् ।

बुधबार एक विज्ञप्ती जारी गर्दै उपाध्यक्ष गहामगरले अपारदर्शी गतिविधि नगर्न तथा निर्वाचनताका विभाजित समाजलाई थप विभाजित नपार्न चेतावनी दिएका छन् ।

यस्ता कार्य गर्न कार्यसमिति सक्षम रहेकाले आईसिसिले जे कामका लागि मनोनयन गरेको हो त्यही गर्न आग्रह गरिएको छ ।
आफ्ना निकटलाई सामाजिक संजालमा प्रचार गर्न लगाउदै आफूलाई केन्द्रमा राखि आइसीसी सदस्य सिम्खडाले व्यापारीसँग चन्दा उठाउने र सम्मान गर्ने कार्यलाई तीव्रता दिइरहेका छन् ।


प्रतिक्रिया

सम्बन्धित सामाग्री

फेसबुक