लन्डनमा ‘भ्वाइस अफ नेपाल’ का कलाकारको शो हुंदै

लन्डन । नेपालको चर्चित गायन प्रतियोगिता ‘दि भ्वाइस अफ नेपाल सिजन २’ का कलाकारहरुले लन्डनमा आफ्नो ‘परफर्मेन्स’ दिने भएका छन् । आउंदो १३ मार्च शुक्रबार सांझ लन्डनस्थित हयारो लिजर सेन्टरमा सांगीतिक कार्यक्रमको तयारी भएको हो । उक्त लाइभ कन्सर्टमा यांकी योल्मो, विकास लिम्बु, अन्जु राना मगर, सनिस श्रेष्ठ र राम लिम्बुले ‘परफर्म’ गर्ने आयोजकमध्ये एक दीपक गुरुङले जनाए ।

‘किज टु सक्सेस’ ले कार्यक्रम व्यवस्थापन गरेको छ । स्नेह आश्रमको सहयोगार्थ हुने उक्त कार्यक्रममा सुशील नेपालले उद्घोषण गर्नेछन् । आयोजकले कार्यक्रममा सहभागी भएर नेपाली संगीतको भरपुर मनोरन्जन लिन अनुरोध गरेका छन् ।