एनआरएनए यूकेको बल्ल जुरयो बरबुझारथ मिति

लन्डन । गैरआवासीय नेपाली संघ (एनआरएनए) यूके कार्यसमितिको बरबुझारथ गर्ने मिति टुंगो लागेको छ । एनआरएनए यूके निवर्तमान अध्यक्ष योगकुमार फगामीले करीव दुई महिना पुग्न लाग्दा बरबुझारथ मिति तय भएको हो । ‘आगामी २४ नोभेम्बरमा बरबुझारथ गर्न बैठक बोलाएका छौं’- फगामीले भने ।

पुनम गुरुङको नेतृत्वमा नयाँ कार्यसमिति चयन भएपनि बरबुझारथबारे टुंगो लाग्न सकेको थिएन । यद्यपि एनआरएनए आइसीसीको निर्वाचनमा वर्तमान महासचिव फडिन्द्र भट्टराईले नेपाल जाने नामावलीलाई अन्तिम रुप दिएका थिए । एनआरएनए यूकेका उपलव्ध कार्यसमितिको बैठक बसि आइसीसी प्रतिनिधि टुंग्याउने जिम्मा महासचिव भट्टराईले लिएका थिए ।

एनआरएनए यूके महासचिव भट्टराईले बरबुझारथका लागि निवर्तमान अध्यक्ष फगामीसँग छलफल भैरहेको बताए ।

एनआरएनए यूकेको आर्थिक पारदर्शीता नरहेको आरोप लागिरहेका बेला बरबुझारथ ढिलो हुनुलाई गैरआवासीय नेपालीले आशंकाका रुपमा हेरेका छन् ।