स्वीन्डन । लन्डनस्थित नेपाली दूतावासले नेपाली उल्लेख्य रहेको स्वीन्डन पुगेर आफ्नो सेवा प्रदान गरेको छ । दूतावासले नेपाली समाज विल्सायरको सहकार्यमा स्वीन्डन वरपर बस्ने करिब ४ सय नेपालीलाई सेवा प्रदान गरेको हो । राहदानी, भिजा, एनआरएनए कार्ड लगायत कन्सुलर सेवा प्रदान गरिएको वरिष्ठ समाजसेवी राजनकुमार क्षेत्रीले जानकारी दिए । दूतावासका तृतीय सचिव तेजेन्द्र रेग्मीको नेतृत्वमा दूतावासले घर दैलामै सेवा दिएपछि सेवाग्राही दंग देखिन्थे ।
राजदूत डा. दुर्गाबहादुर सुवेदीले पदभार ग्रहण गरेपछि सेवाग्राहीले छिटो छरितो ढंगले सेवा पाएका छन् । राजदूतले कार्यालय समय बढाएर ‘भिजा’ घरघरमै दिने व्यवस्था मिलाइदिएका छन्, जसले गर्दा टाढा बस्नेलाई सहज भएको छ ।
