सोमबार, माघ १० २०७८ | Mon, January 24, 2022
नेपालको समय: ०६:५० | UK Time: 01:05

ब्रेक्जिट रद्द गर्न माग गर्दै ५७ लाख बढि हस्ताक्षर, अब संसदमा वहस

वीनेपाली
२०७५ चैत १२ गते २०:५८

लन्डन । धारा ५० खारेज गरि ब्रेक्जिट रद्द गर्न माग गर्दै शुरु गरिएको ‘इ पिटिसन’ संख्या ५७ लाख बढि पार गरेको छ । यसपटक यूके इतिहासमै सबैभन्दा बढि हस्ताक्षर संकलन भएको हो । उक्त हस्ताक्षर एकजना अवकासप्राप्त लेक्चरर ७७ वर्षीया मार्गरेट जोर्जीयाडुले शुरु गरेकी थिइन् ।

अब सरकारले यस विषय संसदमा वहसका लागि लैजाने बताएको छ । अप्रिल १ तारिख सोमबार ब्रेक्जिट रद्द विषय सांसदहरुमाझ पुग्ने बीबीसीले जनाएको छ । त्यसै दिन ब्रेक्जिटसंग सम्बन्धित अरु दुई मुद्दामा पनि वहस हुनेछ । एक लाख हस्ताक्षर पुगे कुनै पनि मुद्दा संसदमा वहसका लागि लैजाने प्रावधान छ ।

उक्त दिन एकलाख २० हजार हस्ताक्षर पुगेको ‘इयूबारे दोश्रो जनमत संग्रह विषय’ र एक लाख ४० हजार हस्ताक्षर पुगेको ‘सम्झौता वा बिना सम्झौता २९ मार्चमै बेलायत इयूबाट 
अलग्गिनुपर्ने’ विषयले पनि प्रवेश पाउने भएको छ । तर, सरकारले धारा ५० खारेज गरि ब्रेक्जिट रद्द मतदाताहरुका लागि धोका हुने स्पष्ट पारेको छ ।

बेलायत इयूबाट यही २९ मार्च शुक्रबार अलग्गिने तय भएको थियो तर इयूले प्रधानमन्त्री टेरेजा मेको ब्रेक्जिट डिल पारित गर्ने वा 
अर्को कदम चाल्न बेलायतलाई थप समय दिएको छ । प्रधानमन्त्री मेको ब्रेक्जिट डिल बेलायती संसदले पारित गरे बेलायत २२ मेमा डिलसहित बाहिरिनेछ भने सम्झौता पारित नभए नयां प्रस्तावका लागि १२ अप्रिलसम्म समयसीमा दिइएको छ । तर, प्रधानमन्त्री मेको प्रस्ताव यसअघि संसदले दुई पटक अस्वीकृत गरिसकेको छ ।

प्रतिक्रिया

सम्बन्धित सामाग्री

फेसबुक